Articles
Social & Community News
18 October 2019

Rustenburg – AfriForum se Rustenburg-tak het die afgelope twee naweke meer as 4 ton teer gebruik om slaggate in dié stad as deel van AfriForum se #OnsDorp-veldtog te herstel. 


AfriForum-lede en vrywilligers van Rustenburg het slaggate in Marais straat en Thabo Mbeki rylaan gevul. Die Rustenburg-tak het vanjaar al meer as 16 ton teer aangekoop om slaggate te vul.

“Die herstel van slaggate is vir ons ‘n prioriteit en ons wil inwoners en skole wat soortgelyke probleme ervaar, aanmoedig om hul plaaslike AfriForum-tak te kontak,” aldus Sampie Steinberg, AfriForum se assistentkoördineerder vir Marico.


“Die tak sal soortgelyke volhoubare selfdoenprojekte aanpak. Wanneer ons as ‘n gemeenskap saamwerk om probleme uit die weg te ruim, sal ons nog baie sukses behaal,” sê Chris Trytsman, voorsitter van AfriForum se Rustenburg-tak. 


AfriForum doen ‘n beroep op die Rustenburg-inwoners om by hul plaaslike tak in te skakel en sodoende ‘n wesenlike verskil in die gemeenskap te maak.


AfriForum mediaverklaring, 14 Oktober 2019

Marais straat, Rustenburg

 

Share this article with a friend...