VASTRAP SEUNS BLINK UIT! 

Rustenburg – Laerskool Vastrap het Saterdag 6 April 2024 hul sportvaardighede ten toon gestel in ‘n dag vol netbal- en rugbywedstryde teen Laerskool Stephanus Roos en Laerskool Elarduspark. Die o/13 rugbyspan van Laerskool Vastrap het ‘n taai wedstryd teen Laerskool Stephanus Roos aangepak. Ten spyte van ‘n sterk begin en ‘n paar uitstekende spelbewegings, het Vastrap die wedstryd met ‘n telling van 17-31 verloor. Dit was ‘n wedstryd waar beide spanne hul alles gegee het, maar aan die einde het Stephanus Roos die oorhand gekry. In ‘n ander kragmeting het Laerskool Vastrap se o/11 rugbyspan dit teen Laerskool Stephanus Roos opgeneem in ‘n wedstryd wat die klein atlete se krag en vaardighede ten volle uitgelig het. Met ‘n onbreekbare verdediging en uitstekende spanwerk het Vastrap ‘n oorwinning van 12-0 behaal. 

Spelers, afrigters, en ondersteuners van al drie skole het saamgekom om die jeug se liefde vir sport te vier.

Main photo: Luan van den Berg