GOUD EN SILVER VIR RUSTIE RUGBY SPELERS

Rustenburg – Geskiedenisboeke toe vir die rugbyspanne van die Hoërskool Rustenburg! Nadat die samestelling van die Virsekerbeker in 2017 verander het, het die Hoërskool Rustenburg die geleentheid gehad om in ? liga mee te ding waar wenners aangewys word. 

Vroeër jare was hierdie nie moontlik nie, omdat Rusties die enigste makro-skool in Noordwes is en as gevolg daarvan eerste staan. Die o.15A-, o.15B, o.16A-, en o.16B-spanne wen hierdie liga. Die .o16-spanne is onoorwonne vir die seisoen. 

Die Hoërskool Rustenburg se o.16A- en o.15A-rugbyspanne het gekwalifiseer om aan die finaal van die Virsekerbeker deel te neem, omdat hulle wenners van hulle onderskeie liga-afdelings was. Saterdag, 18 Augustus, het hierdie spanne kragte gemeet, die o.15A-rugbyspan teen Marais Viljoen en die o.16A-rugbyspan teen Eldoraigne. 

Die o.15A-rugbyspan tree as naaswenners uit die stryd en die o.16A-rugbyspan as wenners. 
Die punte vir die o.16A-rugbyspan is aangeteken deur Refentse Moabi en Jandré Wilken wat elkeen ? drie gedruk het en deur JJ Bosh wat een verdoelskop en twee strafskoppe aangeteken het. Eldoraigne het twee drieë aangeteken en die eindtelling is 20-10 vir Hoërskool Rustenburg. 

Beide die spelers en die afrigters het hulself baie goed van hul taak gekwyt.