RUSTIE-FEES-OMMIE-VUUR

Rustenburg – Hoërskool Rustenburg (RHS) se Kontreifees het ‘n naamsverandering ondergaan. RHS het dit goedgedink om die naam na ‘Rustie-fees-ommie-vuur’ te verander omdat hul nou slegs een kontrei vier – hul eie. 

Die fees bereik vanjaar weer hoër hoogtes met Adam Tas as hoofgaskunstenaar en vele opwindende voorvertonings.

U kan opgewonde wees oor ‘n smullekker spyskaart wat etes soos varsgebakte brode en konfyt, wors en krummelpap, sosaties en smoor, melktert en malva-poeding insluit. Dit gaan werklik ‘n fees om die vuur wees! 

Die fees sal plaasvind om 17:00 op 27 April op RHS se rugbyveld. Die kostes beloop R200 per volwassene, R100 vir leerlinge tussen vier en 18 jaar, en kinders onder vier is gratis. 

Kaartjies is beskikbaar by RHS se ontvangs en leerders kan ook kaartjies in registerklasse koop.